27 de març del 2009. Veure també el que es deia ara fa un any.
Era comission Conselh Generau d’Aran – Ajuntaments d’Aran entar estudi deth nau traçat dera carretèra N-230 s’a tornat a amassar aué ena maxima institucion aranesa jos er auspici deth sindic Francés Boya. En era s’a arribat ar acòrd de hèr a arribar ath Ministèri de Foment ua prepausa conjunta entà estudiar dues alternatives de traçat que poirien redusir mès es afectacions mieiambientaus damb era tipologia de via segregada en andús cassi. Es possibilitats vien determinades per un informe qu’a elaborat eth servici de Planificacion dera Direccion Generau de Carretères dera Generalitat, frut der acòrd de collaboracion entre es govèrns aranés e catalan entar assessorament tecnic deth nau traçat.
Es opcions contemplades son un corredor oèst peth transcurs dera Val e un corredor tunèl qu’aurie d’enlaçar damb eth nuclèu de Es Bòrdes ena sua quòta mès baisha entà esvitar es impactes. D’aguesta forma, eth territòri representat ena Comission descartarie es corredors des variants de Vielha per èst, es de Vielha – Bossòst per èst e er oèst, era variant de Les per èst e suggerís d’estudiar ua alternativa per oèst ath sòn pas per Bossòst. Aguestes son ues des opcions que se plantejauen ena avaluacion der impacte ambientau deth projècte de condicionament dera N-230 dera boca nòrt deth tunèl de Vielha enquiara frontèra damb França dera Direccion Generau de Qualitat e Avaluacion Ambientau deth Ministèri de Miei Ambient e Miei Rurau e Marin.
Cap comentari:
Publica un comentari a l'entrada