Eth sindic en foncions a assistit ara jornada de pòrtes dubèrtes qu’a agut lòc damb era participacion de fòrça vesins deth pòble de Casau.
Eth sindic a assistit ara jornada de pòrtes dubèrtes.
Eth Conselh Generau d’Aran a finalizat es òbres de condicionament der antic otèl de Casau, que s’a convertit en un equipament modèrn qu’acuelh eth nau Centre d’Innovacion Empresariau e Tecnologica dera Val d’Aran (o Centre Europèu d’Empreses e Innovacion), un des projèctes estrelha deth Govèrn de Francés Boya.
Eth Conselh i a invertit 1,2 milions d’èuros, en ua òbra qu’a executat era empresa Constructora Elio S.A. e a compdat damb eth supòrt dera Deputacion, era Generalitat e era UE. Er equipament compde damb installacions termiques individuaus de cauhatge entà radiadors e de produccion d’aigua cauda sanitària damb caudèra de pèllets (biomassa). Ena planta baisha, se tròbe er airau de servicis centraus, damb es dependéncies entara gestion deth centre, ua sala polivalenta e dues sales d’amassades.
Eth Conselh i a invertit 1,2 milions d’èuros, en ua òbra qu’a executat era empresa Constructora Elio S.A. e a compdat damb eth supòrt dera Deputacion, era Generalitat e era UE. Er equipament compde damb installacions termiques individuaus de cauhatge entà radiadors e de produccion d’aigua cauda sanitària damb caudèra de pèllets (biomassa). Ena planta baisha, se tròbe er airau de servicis centraus, damb es dependéncies entara gestion deth centre, ua sala polivalenta e dues sales d’amassades.
Er Airau Tecnologic ocupe era prumèra e dusau planta, damb 9 dependéncies cada ua d’entre 22 e 30 m2. Quauqu’ues son polivalentes, ja que se pòden comunicar interiorament. Dispòsen de servicis comuns (copisteria, office e sales d’amassades). Eth sosterrani acuelh era sala de caudères. En humarau, ei prevista ua aula de formacion. Toti es espacis son equipadi damb darrèra tecnologia de veu e donades.
Damb aguesta òbra, s’a reabilitat de forma integrau era vielha bastissa, que non a pas afectat ath locau sociau dera Entitat Municipau Descentralizada de Casau. Eth sindic en foncions, Francés Boya, a arregraït as vesins e vesies era cession dera bastissa ath Conselh Generau, qu’a podut amiar a tèrme aguesta actuacion.
Francés Boya a explicat qu’eth nau Centre “a de devier un esturment estrategic entara economia aranesa, perque s’a plantejat damb er idèa de desvolopar tres grani èishi: dar supòrt as empreses, promòir eth trabalh en tot acuélher naues iniciatives empresariaus de joeni e emprenedors, e balhar formacion en estudis superiors e investigacion tant de seguretat aupina coma deth sector toristic”.
En aguest sens, Boya demore qu’eth nau Govèrn deth Conselh Generau sàpie desvolopar aguest projècte damb er objectiu de “aportar coneishement e naues formes de promocion economica e ocupacionau entara Val d’Aran”.
Cap comentari:
Publica un comentari a l'entrada