Eth Conselh Generau d’Aran a previst de bastir un centre de transferéncia tecnologica en pòble de Casau entara aplicacion des naues tecnologies enes encastres dera educacion, era lengua e eth torisme, entre d’auti. Atau ac a anonciat aué eth sindic Francés Boya, en marc dera dusau session deth Conselh de Terçon de Castièro, celebrat en Ajuntament de Vielha – Mijaran damb er alcalde, Pau Perdices, e es conselhèrs generaus deth terçon.
Eth Conselh compde damb un pressupòst iniciau d’1 milion d’èuros entara reabilitacion e adequacion der antic otèl de Casau, que serie destinat entà acuélher es installacions tecnologiques damb era finalitat de desvolopar en Aran naui esturments de gestion e comunicacion entara digitalizacion des contenguts educatius en aranés e entara articulacion dera administracion on line ena sua relacion damb eth ciutadan atau coma damb eth sector toristic. En aguesti moments, eth projècte ei en fasa de redaccion e se prevé d’aplicar-lo a compdar de 2010.
Cap comentari:
Publica un comentari a l'entrada