Deluns, 12 Abriu de 2010
Eth Govèrn aranés i invertirà 1,2 milions d’èuros
Eth Conselh Generau d’Aran a dubèrt eth concurs entà adequar er antic otèl de Casau e convertir-lo en un centre de transferéncia tecnologica e d’innovacion empresariau. Eth Govèrn aranés i prevé invertir 1,2 milions d’èuros, destinadi ara remodelacion dera bastissa e era sua transformacion en un centre foncionau, polivalent e damb capacitat entà acuélher un vivèr d’empreses dedicades ara innovacion toristica e empresariau.
Eth sindic d’Aran, Francés Boya, a explicat qu’eth Govèrn aranés bastirà en Casau “un espaci de transmission deth coneishement, basat eneth supòrt as naui emprenedors e es nòsti joeni”. Era propòsta contemple era installacion de diuèrses aules entà desvolopar-i projèctes relacionadi damb era aplicacion des naues tecnologies ena administracion e era empresa.
Damb eth supòrt e er assessorament deth Centre Europeu d’Empreses i Innovació de Lleida (CEEI), er antic otèl devierà un centre europèu d’innovacion entà desvolopar idèes innovadores e dotar-les de recorsi entà transformar-les en empreses consistentes, qu’agen perspectives de viabilitat economica e poguen contribusir ara diversificacion dera economia aranesa e era creacion d’ocupacion.
Estudis universitaris
Eth Conselh prevé destinar aguest espaci ara promocion dera cultura e era lengua per miei dera elaboracion de contenguts digitaus e audiovisuaus en aranés. Atau madeish, s’impartiràn estudis universitaris de forma semipresenciau damb era concertacion dera Universitat de Lhèida e era Universitat Oberta de Catalunya. Eth sindic a declarat qu’eth centre de Casau “a de dar garanties entàs familhes araneses entà qu’es sòns joeni poguen accedir as estudis superiors, sense besonh de desplaçar-se dehòra dera Val”.
Respècte des òbres de construccion, se plantege era reabilitacion globau dera bastissa de 1.000 m2, damb planta semisosterranèa, tres plantes e humarau, e ua capacitat entà 160 persones. Actuaument, er antic otèl se tròbe en desús, a excepcion deth locau sociau proprietat dera Entitat Municipau Descentralizada.
El Diari Oficial de la Generalitat publica l'anunci d'informació pública dels estudis informatiu i d'impacte ambiental de la variant de Vielha, que permetrà connectar les carreteres N-230 i C-28 i millorar la mobilitat en aquest àmbit. La variant, que tindrà una longitud de 2,1 quilòmetres, comportarà una inversió estimada en 7,7 milions d'euros. Aquesta actuació s'emmarca en el conjunt de millores a la xarxa viària que el Departament de Politica Territorial i Obres Públiques (DPTOP) està duent a terme per a potenciar les comunicacions a l'Alt Pirineu i Aran. La construcció de la variant ha de permetre reduir el trànsit per l'interior del nucli urbà de Vielha. 
